ಕೂದಲೆಳೆ ಅಂತರದಲ್ಲಿ ತಪ್ಪಿತು ದೊಡ್ಡ ಅನಾಹುತ!

Just miss!

12-07-2018

ಬೆಂಗಳೂರು: ರಾಜಧಾನಿಯಲ್ಲಿ ಆಕಾಶದಲ್ಲಿ ಹಾರಾಟ ನಡೆಸುತ್ತಿದ್ದಾಗಲೇ ಎರಡು ವಿಮಾನಗಳು ಮುಖಾಮುಖಿಯಾಗಿ ಸ್ವಲ್ಪದರಲ್ಲೇ ನಡೆಯಬೇಕಿದ್ದ ದೊಡ್ಡ ಅನಾಹುತ ತಪ್ಪಿದೆ. ಕೊಯಮತ್ತೂರಿನಿಂದ ಹೈದರಾಬಾದ್‍ಗೆ ಹೋಗುತ್ತಿದ್ದ ಇಂಡಿಗೋ 6ಇ-779 ಹಾಗೂ ಬೆಂಗಳೂರಿನಿಂದ ಕೊಚ್ಚಿಗೆ ಹಾರಾಟ ಮಾಡುತ್ತಿದ್ದ 6ಇ-6505 ವಿಮಾನ ಮುಖಾಮುಖಿಯಾಗಿವೆ. ಆಕಾಶದಲ್ಲಿದ್ದಾಗ ಕೇವಲ 200 ಅಡಿ ಅಂತರದಲ್ಲಿ ಈ ಘಟನೆ ನಡೆದಿದ್ದು, ಪೈಲಟ್‍ಗಳ ಸಮಯ ಪ್ರಜ್ಞೆಯಿಂದ ಎರಡೂ ವಿಮಾನಗಳು ಡಿಕ್ಕಿ ಹೊಡೆದು ನಡೆಯಬೇಕಿದ್ದ ಘೋರ ದುರಂತ ತಪ್ಪಿದೆ.

ಈ ವೇಳೆ ಎರಡೂ ವಿಮಾನಗಳ ಪೈಲಟ್ ಗಳು ಟಿಸಿಎಎಸ್ ಮೂಲಕ ತಕ್ಷಣವೇ ಎಚ್ಚೆತ್ತುಗೊಂಡಿದ್ದಾರೆ. ಇದರಿಂದ ಡಿಕ್ಕಿ ಹೊಡೆಯುತ್ತಿದ್ದನ್ನು ಪೈಲಟ್ ಗಳು ತಪ್ಪಿಸಿ ಸಾಹಸ ಮೆರೆದಿದ್ದಾರೆ. ಇದನ್ನು ಇಂಡಿಗೋ ವಿಮಾನಯಾನ ಸಂಸ್ಥೆ ಪ್ರಕಟಣೆ ಮೂಲಕ ಖಚಿತ ಪಡಿಸಿದೆ.

ಕೊಯಮತ್ತೂರಿನಿಂದ ಬರುತ್ತಿದ್ದ 6ಇ-779 ವಿಮಾನ 27,300 ಅಡಿ ಹಾಗೂ  ಕೊಚ್ಚಿಗೆ ಹೋಗುತ್ತಿದ್ದ  6ಇ -6505 ವಿಮಾನ 27,500 ಅಡಿ ಎತ್ತರಲ್ಲಿದ್ದಾಗ ಮುಖಾಮುಖಿಯಾಗಿದೆ. ಕೊಯಮತ್ತೂರಿನ ವಿಮಾನದಲ್ಲಿ 162 ಪ್ರಯಾಣಿಕರು ಹಾಗೂ ಕೊಚ್ಚಿಗೆ ಹಾರಾಟ ಮಾಡುತ್ತಿದ್ದ ವಿಮಾನದಲ್ಲಿ 166 ಪ್ರಯಾಣಿಕರಿದ್ದರು ಎಂದು ಇಂಡಿಗೋ ಸ್ಪಷ್ಟನೆ ನೀಡಿದೆ.


ಸಂಬಂಧಿತ ಟ್ಯಾಗ್ಗಳು

Flite Hyderabad ಆಕಾಶ ಪೈಲಟ್‍


ಒಂದು ಕಮೆಂಟನ್ನು ಹಾಕಿ

ಟಾಪ್ ಪ್ರತಿಕ್ರಿಯೆಗಳು


ಇಲ್ಲ ಪ್ರತಿಕ್ರಿಯೆಗಳು ಕಂಡುಬಂದಿಲ್ಲ