ವಿಮಾನವೇರಿದರೂ ಸಿಕ್ಕಿಬಿದ್ದ ಕಳ್ಳ…

Shoplifter made to fly back from Pune to return bag

19-12-2017

ದೆಹಲಿ ಏರ್‌ಪೋರ್ಟ್‌ನಲ್ಲಿನ ಅಂಗಡಿಯೊಂದರಲ್ಲಿ ಬ್ಯಾಗ್ ಕದ್ದ ಪ್ರಯಾಣಿಕ,  ವಿಮಾನವನ್ನೇರಿ ಪುಣೆಗೆ ಬಂದಿಳಿದಿದ್ದ. ಇನ್ನು ಮುಗಿಯಿತು, ನಾನು ಗೆದ್ದೆ ಅಂದುಕೊಂಡು, ಮನೆ ಕಡೆ ಹೆಜ್ಜೆ ಹಾಕುವಷ್ಟರಲ್ಲಿ, ಮೂವರು ಭದ್ರತಾ ಸಿಬ್ಬಂದಿ ಅವನನ್ನು ಸುತ್ತುವರಿದು ಪ್ರಶ್ನಿಸಿದರು. ಯಾರಿಗೂ ಗೊತ್ತಾಗದಂತೆ ಕಳ್ಳತನ ಮಾಡಿದ್ದೆ, ಎಂದುಕೊಂಡಿದ್ದ ಆ ವ್ಯಕ್ತಿ, ಇಷ್ಟು ಬೇಗ ತನ್ನ ಕಳ್ಳತನ ಗೊತ್ತಾಗಿಬಿಟ್ಟಿದ್ದಕ್ಕೆ ಕಕ್ಕಾಬಿಕ್ಕಿಯಾಗಿ ತಪ್ಪೊಪ್ಪಿಕೊಂಡ. ಅಷ್ಟಕ್ಕೇ ಎಲ್ಲಿ ಮುಗಿಯಿತು, 7 ಸಾವಿರ ರೂಪಾಯಿ ಬೆಲೆ ಬಾಳುವ ಬ್ಯಾಗ್ ಕದ್ದ ಆ ವ್ಯಕ್ತಿ, ಮತ್ತೆ ತನ್ನ ಜೇಬಿನಿಂದಲೇ ಹಣ ತೆತ್ತು, ವಿಮಾನದಲ್ಲಿ ದೆಹಲಿಗೆ ವಾಪಸ್ ಹೋಗಿ, ಆ ಬ್ಯಾಗ್ ಹಿಂದಿರುಗಿಸುವಂತೆ ಮಾಡಲಾಯಿತು. ಅಲ್ಲಿ ಈತನನ್ನು ಪೊಲೀಸರು ವಶಕ್ಕೆ ಪಡೆದರು, ಆದರೆ, ಬ್ಯಾಗ್ ಅಂಗಡಿಯವರು ಕಂಪ್ಲೇಂಟ್ ಕೊಡದೇ ಇದ್ದದ್ದರಿಂದ ಈತನನ್ನು ಬಿಟ್ಟು ಕಳುಹಿಸಲಾಯಿತು. ಒಟ್ಟಿನಲ್ಲಿ, ಕಳ್ಳತನ ಮಾಡಿದರೆ ಏನಾಗಬಹುದು ಅನ್ನುವುದನ್ನು ಈ ವ್ಯಕ್ತಿ ಸರಿಯಾಗಿಯೇ ತಿಳಿದುಕೊಂಡಂತಾಯ್ತು. ಇದು ಕಳೆದ ವಾರ ನಡೆದ ಘಟನೆ.


ಸಂಬಂಧಿತ ಟ್ಯಾಗ್ಗಳು

Delhi Airport Shoplifter ವಿಮಾನ ಕಕ್ಕಾಬಿಕ್ಕಿ


ಒಂದು ಕಮೆಂಟನ್ನು ಹಾಕಿ

ಟಾಪ್ ಪ್ರತಿಕ್ರಿಯೆಗಳು


ಇಲ್ಲ ಪ್ರತಿಕ್ರಿಯೆಗಳು ಕಂಡುಬಂದಿಲ್ಲ