ಗೌರಿ ಹತ್ಯೆ: ವೆಪನ್ ಡೀಲರ್ ನ ವಿಚಾರಣೆ...?

Gauri murder: Weapon dealer inquiry..?

06-12-2017

ಬೆಂಗಳೂರು: ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಎಸ್.ಐ.ಟಿ ತಂಡದಿಂದ ಶೀಘ್ರದಲ್ಲೇ ವೆಪನ್ ಡೀಲರ್ನ ವಿಚಾರಣೆ ನಡೆಸಲಿದೆ ಎಂದು ಹೇಳಲಾಗುತ್ತಿದೆ. ಚಿಕ್ಕಬಳ್ಳಾಪುರದ ತಾಹಿರ್ ಹುಸೇನ್ ಅಲಿಯಾಸ್ ಅನೂಪ್ ಗೌಡ, ಇತ್ತೀಚೆಗಷ್ಟೇ ಕಂಟ್ರಿ ಮೇಡ್ ಪಿಸ್ತೂಲ್ ಮಾರಾಟ ಮಾಡಲು ನಗರಕ್ಕೆ ಬಂದಿದ್ದು, ಈ ವೇಳೆ ಪರಪ್ಪನ ಅಗ್ರಹಾರದ ಲಾಡ್ಜ್ ಒಂದರಲ್ಲಿ  ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ. ಖಚಿತ ಮಾಹಿತಿ ಮೇರೆಗೆ ಸಿಸಿಬಿ ಪೊಲೀಸರು ಈತನನ್ನು  ಬಂಧಿಸಿದ್ದರು. ಶಾರ್ಪ್ ಶೂಟರ್ ಆಗಿರುವ ತಾಹಿರ್ ಅಲಿಯಾಸ್ ಅನೂಪ್ ಗೌಡ, ಭೂಗತ ಪಾತಕಿ ರವಿ ಪೂಜಾರಿ ಗ್ಯಾಂಗ್ ನ ಸದಸ್ಯನೂ ಆಗಿದ್ದಾನೆ ಎಂದು ತಿಳಿದು ಬಂದಿದೆ. ಸದ್ಯ ಡಿಸೆಂಬರ್ 16ರವರೆಗೆ ಸಿಸಿಬಿ‌ ಪೊಲೀಸರ ವಶದಲ್ಲಿರುವ ತಾಹಿರ್ ನನ್ನು, ಬಾಡಿ ವಾರೆಂಟ್ ಪಡೆದು, ಎಸ್ಐಟಿ ತಂಡ ವಿಚಾರಣೆ ನಡೆಸುವ ಸಾಧ್ಯತೆ ಇದೆ ಎನ್ನಲಾಗಿದೆ.



ಒಂದು ಕಮೆಂಟನ್ನು ಹಾಕಿ

ಟಾಪ್ ಪ್ರತಿಕ್ರಿಯೆಗಳು


ಇಲ್ಲ ಪ್ರತಿಕ್ರಿಯೆಗಳು ಕಂಡುಬಂದಿಲ್ಲ